Пуш уйăхĕн 8-мĕшĕнче районти культура ҫуртĕнче «Чăваш пики» конкурс иртрĕ. Йăлана кĕнĕ конкурс чăннипех те халăх кăмăллакан мероприяти пулса тăни залта халăх тулли  пулнинче те палăрчĕ.

Конкурса Анат Тимĕрчкассинчи тĕп шкулта 9-мĕш класра вĕренекен Анастасия Крылова та хутшăнчĕ.

«Чăваш пики» конкурса пилĕк пике тупăшрĕ. Пурĕ тăватă номинацире ăмăртрĕҫ вĕсем. Ăмăртуҫă –хĕрсем хăйсемпе паллаштарчĕҫ, чăваш йăли-йĕркийĕпе ҫыхăннă ыйтусене хуравларĕҫ, хăйсем хатĕрленĕ чăваш апат-ҫимĕҫне астивме те йыхравларĕҫ, вĕсем ҫинчен каласа пачĕҫ.  Чи кăсăкли вара пултарулăх конкурсĕ пулчĕ.

Тÿресем баллсене шутласан Анат Тимĕрчкассинчи тĕп шкулта вĕренекен Анастасия Крыловăна ҫитекен пулмарĕ. Настя «Чăваш пики-2020» конкурс ҫĕнтерÿҫи пулса тăчĕ.

Эпир Настя шкул чысне ҫÿллĕ шайра тытма пултарнăшăн хĕпĕртетпĕр. Унăн пурнăҫĕнче вара ҫитĕнÿсем татах та пулччăр. Ăнăҫу сана, Настя!