Чăваш поэзийĕн классикĕ Çеçпĕл Мишши çуралнǎранпа 120 çул çитнине халалласа ресубликăра октябрь – ноябрь уйăхĕсенче «Чăваш ачи, сассуна пар!» ятпа сăвă вулакансен конкурсĕ пулса иртрĕ. Тупăшу тĕллевĕ - поэзие юратакансене тупса палăртасси, чăвашлăха аталантарасси, Çеçпĕл Мишши пурнăçĕпе тата пултарулăхĕпе тĕплĕнрех паллашасси. Конкурса Чăваш Республикинчи шкулсенчен 5-6, 7-8, 9-11класра вĕренекен 181 ача хутшăннă.

Комсомольскинчи 2-мĕш вăтам шкултан тупăшăва 9а класра ăс пухакан Ксения Мурзаева тата 6к класра вĕренекен Регина Мухаметзянова хутшăнса 2-мĕш вырăна тухма пултарчĕç. Вĕсене конкурса йĕркелекенсем дипломсем парса чысларĕç. 6к класра вĕренекен Карина Розова тата 5к класра вĕренекен Даниил Петров сертификата тивĕçрĕç. Пултаруллă ачасене ăшшăн саламлатпăр, малашне те ăнăçу сунатпăр.