Йăлана кĕнĕ тăрăх, май уявĕсенче Шупашкарта «Радуга танца — 2013» Пĕтĕм Раççейри III хореографи искусствин конкурсĕ иртнĕ. Унта Раççейри тĕрлĕ регионсенчен 69 коллектив хутшăннă. Конкурсра Комсомольскинчи ача-пăча искусство шкулĕн вĕренекенĕсем те пултарулăхне кăтартнă. «Островок» кĕçĕн ушкăнăн солисчĕсем Карина Игонинапа Анастасия Чипчигина «Халăх ташши» номинацинче 3 степеньлĕ диплома тата кубока тивĕçнĕ.